Taochi aser Tekümtet

T. Mapa 15:11: Saka Kibuba Yisu taochi ajanga koda parnok kümtettsü asenoka yamaji kümtettsü ta asenoki amanger.
Rom 3:24 Saka Khrista Yisu nung koba tekümtet lir, ibaji ajanga Pa taochi agi asenok angati metendaktsür.
Rom 4:4 Kechiyong shibai inyakdir, pa taaji taochi ama mezüngshir, saka sentsü ama züngshir.
Efesa 2:4 Saka Tsüngrem shiba yimlibilem nung takar, Pa temeim tulu agi Pai asenok dang meim nung, tarutsü putu nung Pai Pa taochi rongsen tulu Khrista Yisu nung asenok dang kümli tajung agi sayutettsü asoshi, asenok mashi jajaba ajanga tasü liaka, Pai asenok Khrista den shia arudaktsü (taochi agi nenok kümzükogo) aser kotak talidak nung Khrista Yisu nung asenok Pa den mendaktsü.
TAOCHI NUNGI ADOKBA
2 Korint 1:12 Kechiaser shi shisatsü nung masü, saka Tsüngrem taochi nung aser Tsüngrem temeshiba aser chichiba agi onoki alima nung benshi, aser yamaji nenok madang talia benshi. Ibaji onok uluba aser onok mulungsentsü kuli lir.
2 Korint 12:9 Aser Pai kü dang shiogo, Kü taochi na asoshi teperi kechiaser, Kü ain mokokmin nung abensadaktsür. Anungji Khrista ain kü dak alitsü asoshi ni kanga pelashishia kü mokokmin nung uludi.
Titai 2:11 Kechiyong nisung ajak dangi tekümtet bener aruba Tsüngrem taochi jungkai adokogo aser asenoki memeshiba aser alima azüapung menangzüki, teshisadangba, temeshi Tsüngrem tsübua ya akümli taküm alitsüsa.
1 Peter 4:10 Nisung shiai sempet agizükba ama, aji agi Tsüngrem taochi jenti meyong ketdangpurtem tajung ama, nenok medemer o medemer na yaritepang.
Taochi teperi, kotak Obala, Ne taochi-i kü mokokmin nung apensadaktsüba asoshi Ne tenüng asanger. Amen.