Taonung ‘Helloween’ teloki Kohima anokshitsütsü

Kohima, December 06 (TYO): Germany linük nungi alima nung nüngtugu kentener telok, ‘Helloween’ Deobar aonung Kohima tonga aruogo aser Hornbill International Music Festival dak sentakba nung Hombar aonung parnoki Kohima nung Indira Gandhi Stadium nung ken aika atenba ajanga state yimtiba anokshitsütsü.
Par telok nung züngsemtemji- tongti kentensang, Andi Deris leniba nung Markus Grosskopf (Bassist), Sascha Gerstner (Lead guitar aser backing vocals), Daniel Loble (Drummer) aser Michael Weikath (Guitar) nunger lir.
Helloween telok ya 1984 küm Hamburg, Northern Germany nung tenteta liasü.
Parnok Kohima atongba sülen De Oriental Grand nung osangbenertem den jembidang Andi-i, “Onoki India linüki kodanga marudang…tang mezüng semdanger aser iba ya nükjidong ka asangsang nung atalokba lir,” ta ashi.
Par teloki atenba nüngtugu ken aika rongnung ‘Future World’, ‘I Want Out’, ‘Number One’, ‘I Don’t Wanna Cry No More’, ‘Windmill’, ‘Dr Stein’ aser ‘Your Turn’ densema lir.