Tarensen Metetba Agi Mayipelentsü

Süpongnüngsang Lkr, Darogapatear Dimapur.

Osangtsüsang angashitsü, aser azüngtsü, metettsü, aser angatettsü kanga nüngdak aser jangratemtsü. Tashitemeteter ta ajabai zünga metetertem tang ajar masü Laishiba nung Mapa metene tamang tsü ta ashiba amai kenoa metet lipalirotsüa mapa yayim ajak metet ta alir dang lipok nungi tashi temeteter ta ja arur. Temenen indang jembidang kechi o amshir, tajung indang jembidang koma amshirar memetet nung tashitemeteter ta agizüktsü tamakoktsü asütsü. O atongtepba aser nükjitong meputepra kanga junga züluaka taginübaji mangateter mesüra azüngtsü jangra matemer. Saka  kanga jangratema azüngba ka lepshia zülutsür. Oct 06. 2019 Parmong (Sunday) Par amongnü (Mezüng tamangertem dang bangranger telok ta aja kechaser parnoki ken tena sarasatemba jagi yamaji aja südi) Amongnü ta süra moatsü mong, tsünngrem mong, Lijaba mong ajak dang AMONG ajar.Putir aser putiungertem indang züluba kanga tim liasü. 1. Süngpur küm 13-15, 2. Tenaka 16-18, 3. Juzenzen 19-21, 3.Ajuzen 22-24, Songment 25-27. Parnok mapa ajak iba züluri apensa zülutsür asünung melepshir saka songmen arju nung mongin, mapa kecha agia mata tainer ama subaliba tarensen angazüka lia aru. Ibai arju nung ayip  mapang tashi mongin pai süngpu zünga nungi kechi inyaktsü tim liasü ajak ajangshia arur arju  melepzüng mapang. kar kibong küma Arju doktsür, Kibong kodanga makümtsüpura kümsük agi dongerpo arju doktsüba ngua aruogo. Yamaji kibong küma yimsüsüba mendeni airtemji kenshi oshi angazüka  meteter teintet rogo kecha metsüpu mapang yimsüsürtem dang tainer, ta alima ramoka yimsüsür ayimayima, susangsusanga, Merenmerena iyongjiang parnok rongnungi samen Tazüngti shimer yimsüsürtem rongnung tanupoa sang shiba samen südir yimsüsür ajaki intetinteta yimsüsüsang tang tampo ta ajar. Yimsü sütemer menden melenoktsü mapang putipang akümer, kechiba putipang ajar? Mapa ajak melenoktsür anisüngzük mapang lanu putupur asüngdangtong. Timba ka küm 65-70 tashi nung atsüngzüktsüba den arishia tempanger kechaser manglesangwa anibelem, shisapulu khuret apenertem arishi tatsü akümer,. Iba telok ya yimsürsürtem tang masü par zünga sadang ajak dang putipang  ta ajar. Anungji parnok danga mongin ajak apensa sübur alirtem ta ajar.  Joko kechisarina ajangshir anjong süir alirtem  nüputsük nungpo yimli metetba agi anidaker saka putupur ama anogo songtema manidakdaktsür. Küm 7o temapurtem damg  Nokhu, nokhur, Asa tao ta ajar. Par telok ya alui motetertem kiyong semtu mongtang semtu nung sentepba otsüolem jampia mentepper aser yamaji akümli mapang tempanger. Akümli pongtemji tantsü tampotemipo ajaki meteta lir saka lanurtemipo tanü asüng arju maka asünung memetete alinunga ta tongmelang agi tamalen zülutsür den yariteper. Tamangba kisüng (Kija) dak tang rangloker alinung subalibatsü merajemtsü südi. Lipoklisang metettsü nüngdak saka rongrong lir, Süngyanglu külembaji Tsüngrem tsüngdang tesembatsü (Pei benshinütsü benshiba) saka subaliba metetba agi Tsüngrem o nunga mayipelentsü aser Tsüngremi kanga shidak ta ashitsü südi.