Taruba by elections atema EC-i anogo sangdongogo

New Delhi  October 17 (Agencies): Hombarnü Election Commission (EC)-i state tenet nung Parliamentary menden balala aser assembly menden balala atema by election anogo sangdongogo.
Item menden ajak atema November 19, 2016 nü election agitsü, ta Election Commission-i tanü metetdaktsü.
Parliamentary menden- Lakhimpur (Assam), Shahdol (Madhya Pradesh), Coochbehar (West Bengal) aser Tamluk (West Bengal) atema iba anogo nung by elections agitsü aser assembly mendentemji-Assam nung Baithalangso menden, Hayuliang (Arunachal Pradesh), Nepanagar (Madhya Pradesh), Monteswar (West Bengal), Thiruparankundram (Tamil Nadu), Tripura nung Barjala aser Khowai menden aser Puducherry nung Nellithope menden lir.
Kasa sangdong nungsa shia aliba agi, candidate temi November 2 nü tashi tenüng agütsütettsü, iba sülen November 3 nü tenüngtem reprangshitsü. Tenüng agientsü  tatembangbuba anogoji November 5 nü lir.
Electronic voting machines (EVM) amshia November 19 nü election agitsü aser November 22 nü vote azüngtsü, ta EC-isa ashi.
Tamalen Tamil Nadu nung Aravakurichi aser Thanjavur menden atema election thinenja alibaji-a kasa anogo nung agitsü, ta parnokisa ashi.
“Item districts nung election model Code of Conduct tang nungi tenzüker,” ta Deputy Election Commissioner, Umesh Sinha-i ashi.
Sinha-isa, code of conduct kübok candidates, yimtenren party tem aser state ajak nung sorkar tashi nung aliba party ajak aiter, ta shisem.