Taruba Die Hard Film ya Prequel ka asütsü

Rongjui/September 4, 2018 (Agencies): A Good Day to Die Hard sayar küm trok lir 20th Century Fox puri iba series nung film trok buba ya Die Hard: Year One ta masü saka McClane ta ajatsüba sangdongogo.
Die Hard prequel, McClane nung John McClane indang shilem ana rongnung Bruce Willis-i ka agitsü. Iba film nung hero ka küm 60 asü dang dang masü saka küm 20 asüdang atalokba indang shilem alitsü, aser iba ajanga Willis-i iba film nung maneni shilem agitsü asoshi lenmang lapoktsüogo kong pai series ajak nung shilem agiogo. “Onoki John McClane indang nung tali rangloker inyakner. Die Hard nung Bruce medeni koda yanglujar ni memetet. Iba film nung pa kangabo tongtibang masü ta ashibaji shidak masü,” ta producer Lorenzo di Bonaventura-i ashi.
Live Free or Die Hard aser Total Recall direct asüsang Len Wiseman-i iba film direct asütsü. Wiseman-i ‘Underworld’ franchise ya tenzük aser mezüngbuba film ana direct asü. Paisa Sleepy Hollow co-create asü.
‘Die Hard’ franchise ya 1988 küm tenzük aser iba ajanga TV actor Bruce Willis kanga nüngtugu kümdaktsü. Die Hard 2 1990 küm aser Die Hard with a Vengeance arrived 1995 küm saya. Iba sülen film pezübuba; Live Free or Die Hard küm ter lir saya aser maneni 2013 küm A Good Day to Die Hard sayaa liasü.
Iba film pongububa nung Jai Courtney-i McClane’er jabaso Jack ama shilem agiogo, saka taruba film nung pa indang character adoktsü asü madokjar mejangja. Film ajaki production budget dang nungi asemsü agi timba aazükogo, ajisüaka film ajak rongnungi A Good Day to Die Hard review tamajungba asü.