Taruba election nungi VVPAT amshitsü: Mokokchung DC

Mokokchung, November 01 (TYO): Mokokchung Deputy Commissioner aser District Election Officer, Sushil Kumar Patel-i, taruba state election nungi polling station ajak nung Voters Verifiable Paper Audit Trail (VVPAT) machine amshitsü, ta metetdaktsü.
Iba dak sendakba nung November 07, 2017 anüngdang 12:00 ako nungi ADC (Planning) conference hall nung VVPAT amshiyim sayuba sentong ka akatsü.
Mokokchung DC-isa AEROs, Master Trainer aser Mokokchung district kübok yimtenren party ajak nungi züngsemtem, Ao Senden, AKM aser Watsu Mungdang nungi Tirtem dang iba sentong nung adentsü mepishia metetdaktsüogo.
Iba sentong ajakji video ajanga sayatsü atema DPRO Mokokchung danga tuyuogo.