Taruba hopta Sushma-i Pak dak sentakba sangdong ka agütsütsü

New Delhi, December 12 (Agencies): Tawa External Affairs Minister Sushma Swaraj-i Pakistan yimtiba, Islamabad semdangba dak sentakba nung taruba hopta Parliament House anaprong nung lai India-Pakistan tesentaktep indang sangdong ka agütsütsü, ta Honibar nü sorkar sangdong ka ajanga ashi.
Afghanistan yimjung indang ‘Heart of Asia Conference’ nung adentsü atema Bodhbar nü Sushma Swaraj-i Islamabad semdanga liasü. Lai Pakistan semdangba mapang India aser Pakistan napronglai linük ana tesentaktep ken o jembitsü bangjemogo, iba den külemi lai, taruba küm SAARC senden nung adentsü atema Ato kilonser Narendra Modi-i Islamabad semdangtsü, ta metetdakja liasü.
Ano külen Lok Sabha nung sangdong ka ajanga, taruba hopta sorkari legislative aser financial business Bill teku benoktsü ta metetdaktsü. Item Bill rongnung Atomic Energy (Amendment) Bill, 2015, Sugar Cess (Amendment) Bill, 2015, National Waterways (Amendment) Bill, 2015, Commercial Courts, Commercial Division and Commercial Appellate Division of High Courts Bill, 2015 aser Arbitration & Conciliation (Amendment) Bill, 2015 lir.
Tan mongpu Parliament November 26 nü tenzükba sülen Lok Sabha nung Bill trok agizükogo aser Bill tasen trok benoka lir.
Rajya Sabha nungbo Bill ka dang agizükteta lir, aser Bill tasen kata benoka mali.
Upper house nung sorkari Bill 16 benoka lir, item bill ji- Goods & Services Tax Bill, Real Estate (Regulation & Development) Bill, Whistle Blowers Protection (Amendment) Bill, Scheduled Castes & Scheduled Tribes (Prevention of Atrocities), Child Labour (Prohibition & Regulation) Amendment Bill, Anti-Hijacking Bill aser Bureau of Indian Standards Bill lir.