Taruba ita nungi cancer, diabetes angati tendangtsütsü

New Delhi, January 21 (Agencies): Taruba ita nungi tenzüka Union health ministry-i angati screening programme tenzüka cancer, temelungjang tashidak aser diabetes angati tendangtsütsü; India nung asürtem shilem 35 bo item tashidak ajanga asür.
Iba programme ya World Cancer Day- Feb. 4 nü Ato kilonser, Modi-i tenzüktsütsü aser iba sentong ajanga küm ka tsüngda linük nütsüng shilem asemsü nung shilem ka ayimjemtsü.
“Health Ministry ketdangser kati, “Iba sentong ajanga 2018 küm tashi nung onoki linük tesem ajaklen district 200 dak tema ayimjemtsü merangtsü, iba sentong kübok onoki asthma-a tendangtsütsü,” ta metetdaktsü.
Iba programme yagi tongtibangsüa arishi küm 30-69 tsüngdapur (nütsüng shilem 37) dak rangloker inyaktsü.
India nung memenatepba tashidaktem kanga bulua indar ta asadangtetogo. Ibaji dang masü cancer aser temelungjang tashidaktem ajanga-a nisung jenti asür, aser diabetes ajangabo loktiliba aser rongsenkettsüng nung kanga khuret südaktsür.
India nung asürtem shilem 26 dak tema temelungjang tashidak balala ajanga asür aser shilem 7 cancer ajanga asür. 2015 küm India nung diabetes agi shiranger lakh 690 liasü.