Taruba küm 15 tashi Modi Ato kilonser inyaktsü: Vilas Paswan

Jammu, June 01 (Agencies): Yashi Congress Tir, Sonia Gandhi-i Ato kilonser, Narendra Modi dang ‘Shahenshah’ ajaba atema aija tanü Union Minister Ram, Vilas Paswan-i, “Parnoki (Congress) shisa mebulotsüla, kechiyong taruba küm 15 tashi Modi maneni Ato kilonser inyaktsü,” ta ashi.

Osangbenertem den jembidang pai, “Ato kilonser atema iba ama olong jembibaji tim masü, kechiyong linük nüburtemi pa shim,” ta ashi.

Tanü Jammu nung Paswan-i Bureau of Indian Standards (BIS) indang branch office aser building semzükja liasü.

Osangbenertemi pa dang Robert Vadra kiojen onük aser Sonia Gandhi-i jembiba dak sentakba nung tasüngdangbatem aika asüngdanga liasü saka pai aika melangzü.

Paswan-i, BIS office ajanga ‘Make in India’ campaign tejakleni otettsü, ta ashi.

Paisa state sorkar dang consumer courts nem tashi agüjang, ta ashi.

MoS Jitendra Singh-ia, Centre-i forms aser inyakyim temelaba kümtsüogo ta shia state sorkar danga kasaji inyaktsüla, ta mepishi.

Iba sentong nung Consumer Affairs & Public Distribution state minister, Zulfkar Ali, Industries & Commerce minister, Chander Parkash, MP Jugal Kishore Sharma aser BIS Director General, Alka Panda nungera liasü.

Zulfkar Ali-i, tetsüdaktsü jenti liaka state sorkari National Food Security Act (NFSA) junga benokogo, ta ashi.

State sorkari NFSA junga benokba atema pelar aser iba ya takok angutsü atema akokba tashi agi yaritsü, ta Paswan-ia ashi.

Kasa sentong nung Minister for Industries & Commerce, Chander Parkash Ganga-ia Industrialist tem dang BIS nung register süa products tajung yanglutsüla, ta ashi.