Taruba RS election nung BPF nem menden ka agütsütsü

Guwahati, May 28 (Agencies): Taruba Rajya Sabha election nung Bharatiya Janata Party (BJP)-i Bodoland Peoples’ Front (BPF) nem menden ka agütsütsü, ta Assam Finance Minister Himanta Biswa Sarma-i ashi.
April 9, 2020 nü Congress MP Bhubaneswar Kalita aser Sanjay Singh o BPF MP Biswajit Daimary nunger kümsük tembangtsü. Parnok ya April 10, 2014 nü shima liasü.
“Assam nung Rajya Sabha menden angutsü atema candidate kati votes 42 nüngdaker. Assam Assembly nung Opposition züngsem peria mali, anungji onok shisabulutsü madoker” ta Sarma-i ashi.
Assam nung Rajya Sabha menden ana June 15, 2019 nü kümsük tembangtsü aser iba menden ana atema Jorhat Lok Sabha constituency nungi BJP MP Kamakhya Prasad Tasa aser Asom Gana Parishad lennir aser taoba union minister Birendra Prasad Baishya nati tenüng agütsüogo.
Assam nungi Rajya Sabha züngsem ana- taoba Prime Minister Manmohan Singh aser Santiuse Kujur na indang kümsük June 14, 2019 nü tembangtsü. Tenaprong ya Congress züngsemtem lir aser tena ya June 15, 2013 nü shim.