Guwahati, November 25 (TYO) : Assam Chief Minister Tarun Gogoi-i tanü Centre dang kin trok nem Scheduled Tribe (ST) jenjang agütsütsü atema mepishia metetdaktsüogo.
“Parnok kin troki mapang talangka takhangba agüja arur aser state sorkaria parnok takhangbatem pusema nungiter. Anungji tanga lisopur kintem temeten aser maongka angubatem nung timtem melidaktsüi item kin 6 nem ST jenjang agütsütsüla” ta Gogoi-i sangdong ka nung ashi.
Kin trokji Koch Rajbongshis, Moran, Muttock, Sootea, Tai Ahom aser tea tribes nunger lir aser parnok ya tang Other Backward Classes kübok züngoka lir. Parnok kin troki Scheduled Tribe (ST) jenjang akhanger.
Tarun Gogoi-i Centre dang kin 6 nem ST jenjang agütsütsü mepishir added by asungba on
View all posts by asungba →
You must be logged in to post a comment Login