Tarun Gogoi mozükidang anepalur

Guwahati, May 1 (Agencies) : Assam Chief Minister Tarun Gogoi temang nung timtem kar adoka mozükidang anepaludar.
Gauhati Medical College & Hospital nung doctor temi ashiba agi, yashi nikongtsütsü Gogoi tepok nung tashitsü atua anir aru.
Pa kanga tajungba kümogo. Shitakba agibo pa tanü kidangi meyipa otettsü saka pa taonung tashi mozükidang anepalutsü, ta doctor temi ashi.
Angh, PB Acharya-i tanü mozüki semdang aser pa indang osang metetpela, ta osang ka ajanga metetdaktsü.