Tasembuba KDVA finals tanü asayatsü

Kohima, October 25: Kohima District Volleyball Association (KDVA)-i ayongba tasembuba Kohima District Volleyball Tournament nung tetsür aser tebur tarensen atema anünga aliba preliminary match den quarter-finals, semi-finals aser final asayatem Kohima local ground nung Hombar nü asayatsü.
Asayar telok ajak Hombar anepdang 9:00 ako nung asaya tesem atongtsü metetdaktsüogo.
Anünga aliba tetsürtem asaya Khonoma Youth Organization aser Keziekie Women Organization na asayatsü aser iba sülen semi-final aser final tenzüktsü.
Group-A nung Shiirho Mountain Club aser Elite Sister Club na semi-final tonga lir aser Group-B nung telok asem anünga aliba tsüngda asayaba sülenang takokertem semi-final asayatsü.
Iba asayamung shibangba sentong Hombar nikongdang 2:30 ako nungi tenzüka akatsü aser iba sentong nung MLA aser NSMDC nung mendenbuba Dr. Neiphrezo Keditsu tongti tesemdanger asütsü jaoka lir.
Tebur Quarter-finals asaya tarensen yamai:
Khonoma Youth Organization vs Kezo Town Youth Society
Kiruphema Youth Organization vs Kezeike Youth organization
Striking 10th Zhadima vs St. Joseph College Jakhama
Phetsu Kiku Club Khonoma vs Prancer’s ,Phesama
Iba sülen Semi-final aser final asayatsü.