Tashiyim mapa NLSF-i aitsür

Dimapur, March 23 (TYO): March 14, 2017 nü Assam, Golaghat nungi non local ka tenüng agi, Bijoy Mushahari-i Chiechama yim nungi arishi küm 8 tetsür chanu ka tashiyim amshia raksatsübaji NLSF-i sashia aitsür, ta tanü Nagaland Law Student’s Federation (NLSF) Publicity & information Secretary, Roland Zeliang aser General Secretary, Medochütuo Kiewhuo nati sangdong ka ajanga metetdaktsü.
“Naga nunger sobaliba nung iba ama taoksatsü mapa mebenshir aser tangari tatishitsü agitsüsa temerenshi agutsütsüla. Asen lokti nung bendangertem aremoka aiter asen li nung jenoka alir, iba sülenbo parnoki asen lokti raksatsür, anungji iba ama mapa ya lokti ajaki aitsütsüla,” ta sangdong nung shia lir.
Ozüng takhang agi tai tonglokja alisang nem temzüng kübok temerenshi agutsütsü ta NLSF-i tamang akar, iba den külemi NLSF-i takoksa angur nungiter aser ochi obendang agutsütsü atema nungita yaritsü, ta NLSF-isa metetdaktsü.