Taslima Nasreen visa atsülangtsüogo

New Delhi, June 20 (Agencies): Bangladesh nunger ashishitep aketba kaket zülur Taslima Nasreen indang visa küm ka atema atsülangtsüogo.
Union Home Ministry-i July 23, 2017 nungi la indang visa mapang apuloktsü.
Tanü Home Minister Rajnath Singh-i la indang visa mapang apuloktsütsü mulunga agizük, ta ketdangsertemi ashi.
Taslima ya Sweden senso ka lir aser la nem 2004 nungi Indian visa agüja India nung lidakja arur.
1994 küm Bangladesh nung teloktemi la taküm agitsü amokmerenba ajanga Taslima-i lar linük toktsür jena aru.
Tesüiba küm 20 tashi lai US aser Europe nung liyonga aruogo. Ajisüaka, lai aiben India nung aser talisa Kolkata nung teti atema alitsü jangrar ta tebilemba metetdaktsüogo.
Taslima-isa India nung permanent residency atema asüngdangogo saka iba atema Home Ministry-i telemtetba kecha magi lir, ta osang ka ajanga ashi.