Tasoba anogo sempet tulutibaji National Award ya lir: Kangana

March 28, 2016 : Kangana Ranut-i, “‘Tanu Weds Manu Returns’ film nung shilem ana repa agiba atema National Film Award nung ni Best Actress sempet angutsü ta Hombarnü kü tenüng shimtetba metetdaktsüba ya ni asoshi tasoba anogo atema sempet tulutiba lir,” ta ashi.
“Tasoba anogo nung sempet tulutibaji iba dak alema mali. Kü nem kanga moatsüogo aser ni kanga pelar,” ta March 23 nü arishi küm 23 ajungla, Kangana-i sangdong ka ajanga metetdaktsü.
Kü den külemi Bachchan-a Best actor anguba agi danga ni talila pelasemer, ta lai ashi.
Megastar Amitabh Bachchan-i ‘Piku’ film nung tebu ka ama shilem agir aser pa iba film otsü nung tepok junga maoba ajanga temang nung timtemer ka ama shilem temela ka agiba ajanga Best Actor award ya agütsütsü tenüng shimtet.
Kangana iba sempet agizükba sentong nung sobutsü komala ka asemtsüar ibaji shisadangdar. Ibai la asoshi National Film Award asembuba lir.
Lai ‘Fashion’ film nung shilem agiba ajanga Best Supporting Actress award aser  ‘Queen’ film nung shilem agiba ajanga Best Actress award tem ngua lir.