Tasüba temerenshi agientsü Law Commission-i benokogo: Sorkar

New Delhi, March 22 (Agencies): Kiralongraba dak sentakba ken otem dak alaka tanga ozüngtem alema aibelenba atemabo tasüba temerenshi magütsütsü atema Law Commission-i benokogo, ta tanü Rajya Sabha nung metetdaktsü.
Tanü Parliament nung Minister of State for Home, Hansraj Ahir-i, Law Commission indang 262buba report nung, kiralongraba dak sentakba aser linük anema rara ayongzkba ken otem dak alaka tanga ken otem nung aibelenba atemabo tasüba temerenshi magütsütsü benokogo, ta metetdaktsü.
“Linük Temzüng 7th Schedule indang concurrent list nung Criminal Law & Criminal Procedure nunga iba dak sentakba indang shia lir. Iba dak sentakba nung tangatetba balala angadangtsü atema iba osangji state sorkartem aser union territories sorkar ajak dangi yokogo,” ta minister-isa metetdaktsü.