Tasümang ka angu

Kohima, June 19 (TYO): Deobar aonung Kohima Police-i Naga Heritage Village, Kisama nung tasümang ka angu.
Osang ka ajanga ashiba agi, tasüsangji arishi küm 76 tain Shurho Solo liasü aser pa tekolak nung zübo keta liasü. Pa indang mangji Garo Morung, Kisama nung lia angu.
Yasüng 8:30 ako meta police-i tasümangji angu aser iba dak sendakba nung ken o ka benokogo aser bushisüngdang ka tenzükogo, ta police-i ashi.