Tasüngdangba Takang T.Ken 119: 89 – 96.

Alima nung terenemba takang mayur ta nai meteter asü? Yimtenren terenemba aika renemer saka teinyaktetba tera dang alir. Terenemba inyaktsü agütsür saka tebenja teimba adoker. Ano renemshitsü jembir. Kodanga takang terenemba malir. Mapaji yamaji aor süra tekong 89ji reprangang: O Kibuba, teti tatem maka, Nü o kotak nung akanga noktaka lir.”
Shinga o akanga malir. Kü tebilemba aser amangba ni melenshir.Kodang ni kü o shidak yudir aji tamangtsü lir. Saka Tsüngrem O bo teti akanga akanga lir. Pa O atangji aser tamangtsü lir. Tsüngremi tiyazü jembitsü makok, anungji Pai Pa O nung melenshitsü ta asenoki shisabulua malitsüla.
Tsüngremji teti tatem makai atangji lir.Bazar nung, dokan nung teti oset jenjang melenshir. Tsüngrem O bazaar oset amaji masü. Yisui ashi, “Anüng ali suitemtsü, saka kü o tem kecha südanga süitema maotsü” (Matt. 24: 35).
Tsüngrem o memelenshir. Tsüngremi o langtepa mejembir. Pai tongmelang agi ashir, ” Lemangji ibai lir aser aji yamaji dang alitsü.”Pai mapatemji koda bentetter nai metetnera, Pa O ji züngang.
Mapatem koda bentettsü Laishiba nung angur. Rara koda bentettsü Tsüngrem O nung ashir, tebilemtsütem koda bentettsü aser temenen nungi koda kümdang alitsü, Tsüngremi ashir. Ajak rong nung tajungtibaji, kotaki koda aotsü Pai Pa O nung ashir.Iba nung ajak bentetter. Yisu Khrista asenok asoshi kangki nung asü, asenok kümzüktsü tanaben shia aru aser tamang ajanga Pa dangi arur ajak Pai kümzüker.
Mesüngjemtetba taküm nung Tsüngrem O ji tashi aser tesangwa ama alir.Ibai atangji, teti tatem maka aser melenshitsü makok nung asenoki ibai amangtsü akok aser iba ochi O nung alitsü akok. Tsüngremi temenen, tasüba, tekümtet aser teti tatem maka taküm indang tasüngdangba ajak Pa O ajanga bentettsüogo. Nai iba tasüngdangba ne sasa bentettsü akok asü? Tsüngrem O ji züngang aser bushiang.