Tasutait tanur 25 nem National Bravery award agütsütsü

New Delhi, January 18 (Agencies): Maharashtara nungi arishi küm 15 Gaurav Kawduji Sahastrabuddhe-i par medemer pezü kümzüktsü merangdang taküm tenla-a agüja asü, aser taküm küm atema pa densema linük nung tanur nisung 25 nem National Bravery Awards agütsütsü.

Sahastrabuddhe nem ‘Bharat Award’ agütsütsü, iba award ya tematiba National Bravery awards lir, ajisüaka iba award ji par tsüraburtemi ang agizüktsütsü.

Ano arishi küm 13 Shivansh Singh-ia Saryu ayong nung par medemer ka taküm kümzüktsü merangdang pa taküm tenla agüja asü, aser par tsüraburtemi pa melen ‘Bharat Award’ agizüktsütsü.

Ano akhümket ‘Geeta Chopra award’ ji Telangana nungi arishi küm 8 Shivampet Ruchitha nem agütsütsü, train kati lar school bus dak tsükoktsüba mapang lai nisung ana kümzüka liasü. Ano arishi küm 16 Arjun Singh nem Sanjay Chopra Award agütsütsü, pai tetsü kümzüktsü atema keyi ka den raraa liasü.

January 24 nü tanurtem jagi Ato kilonser Narendra Modi ket nungi award ji agizüktsü aser parnoki Republic Day parade nunga shilem agitsü.

Maneni Mizoram nungi arishi küm 15 Ramdinthara-i nisung ana light agi apuba mapang kümzük aser pa nem Bapu Gaidhani Award agütsütsü. Gujarat nungi Rakeshbhai Shanabhai Patel (13) aser Kerala nungi Aromal SM (12) natia Bapu Gaidhana award agizüktsü.

Tanüngba award agizüktsüpurtemji- Kashish Dhanani (Gujarat), Manipur nungi Maurice Yengkhom aser Chongtham Kuber Meitei na, Angelica Tynsong (Meghalaya), Sai Krishna Akhil Kilambi (Telanagna), Chattisgarh nungi Joena Chakbraborty aser Sarwanand Saha na, Dishant Mehndiratta (Haryana), Kerala nungi Beedhovan, Nithin Philip Mathew, Abhijit KV, Anandu Dillep aser Muhammad Shamnad nunger, Maharashtra nungi Mohit Mahdenrda Dalvi, Nilesh Revaram Bhil aser Vaibhav Ramesh Ghangare nunger, Abinash Mishra (Odisha) aser UP nungi Bhimsen nunger lir.