Tata gari anishir ka dak azükba KDTODU-i aitsü

Dimapur, Yimpoksüi/November 21 (TYO): November 20 nü NSCN(I-M) telungpur asütsü ta temulung melemi bilemba telok kati Khuzama Excise check gate anasa tai maketba tata gari anir ka dak azükba KDTODU-i kho khoa aitsüogo.
Yimya masüba benshiba atema NSCN(I-M) telungpur asütsü ta temulung melemi bilemba telok kati Khuzama Excise check gate anasa tata gari anishir ka dang taochi makai azükba aitsüba den Kohima District Truck Owners & Drivers’ Union(KDTODU)-i iba tatalokba ya kanga tia maka tatalokba ka aser iba ajanga state nung tata gari anishirtem tekümzükba makai kümdaktsü, kechiyong anüngdang Nagaland Police-i anükba check gate anasa Nüburtem matsüngdang gari anisang dak kanga mejungi azük, ta parnokisa ashi.
Kasa mapang nung KDTODU-i, District Administration aser Police-i aibelena alirtem takaratiba nung pau linük temzüng ozüng kübok tapet temerenshi agütsütsü khangogo, ajisüaka iba takhangba ya matalokra state nung tata gari anishirtem taküm lendong nung lir kechiyong iba tatalokba ajanga tata gari anishirtem ya sen atema mashi mapang aser tesem ka nung amaktsü akok, ta KDTODU tir Riivese Sokha aser Secretary Kiivethi Puro nati külem sangdong ka ajanga metedaktsü.