Tatalokba babala nung 39 asü: Iraq

Baghdad, December 06 (Agencies): Deobarnü Anbar province, Iraq nung rara adokdang aser anüng nungi amakdang tajemba agi nisung 39 süogo.
US-i aniba teloki Albu Haiyat tesem nung Islamic State (IS) aliba tesem asem amakdang IS telungpur 18 tepsetogo, ta security temi Xinhua news agency dang ashi.
Ano tatalokba balaka nung, pei taküm tenla agüja tapoktsü alenloker apoker kati Ramadi nung security aliba tesem anasa tapoktsü aika bena aliba gari ka nung lendong agütsü aser
iba lendong nung tajemba agi security 8 asü aser 15 yiru.
Ano Security aser IS telungpur na Garma anasa yimtsüng ka nung raradang security 7 aser telungpur 6 asü, ta kasa osang ajanga ashi.