Tatettsü lia tsüngsangba agi tesayur trok transfer yok

Agartala, September 10 (Agencies): Sorkar school ka nung tetsür tesayur troki school telung nung tanurtem jakdang yimya masüba benshia tatettsü lia tsüngsangba ajanga transfer yokogo, ta Bhodbar nü ketdangsertemi metetdaktsü.

“Media-i tesayurtem yimya mejungi tsüngsangba noksa kar temai adoka sayua metetdaktsüba sülen Khudiram Bose English medium school nung education department-i school Headmistress dena tetsür tesayur parnok trok nem iba telatetba agütsü,” ta school education department ketdangser rongnung kati ashi.

Pai ashiba agi, item tesayurtem ya film ken ka nung yi agi mesepa jemer tsüngsangba mapang local television channel camera kar ajanga tangokshi.

“Item tesayur trok prongla tesem talanglang leni transfer yokogo aser tarutsü nung iba ama aibelen mapa meinyaktsü ozüng agütsüogo,” ta ketdangsertemi ashi aser iba inyakim ya education minister Tapan Chakraborty-i teyuba nung ajemdaker inyakba lir, ta parnokisa shisem.