Tatidang akokba taküm

Ne telatet ozüngtem ni angazüktsüsa Ni timtemdaktsübaji ni atema tajung lir (T.Ken 119:71).
Aser Techir süaka, Pa timtem-tüoshi anguba agi tashi angatsü angazük (Ibri 4:8). Aser asenok techirtem süra ajangla asenok senmanger: oda Pa den asenok sentsüwangshidaktsütsü asoshi asenoki Pa den timtemra, asenok Tsüngrem senmangertem aser Khrista den senmangertem lir. Kechiyong koba sentsüwangshi asenok tsütsü jungkai adokdaktsütsü, iba dangji tang mapang nung asen timtembaji medemdangtsü metemsü ta ni züngshir (Rom 8:17,18).
Kechiaser Pai ni taolen meteta lir; kodang Pai ni tendangdir, ni hon ama adoktsü. Pa tsüngsü nung ni metitemi jajaogo; ni Pa lenmang nung anidakogo aser tangaleni mao (Yob 23:10-11).
Aser Pai na ajemaludaktsütsü, na tendangtsü, ne mulung nung kechi liasü aji metettsü Pai melaba benshitettsü mebenshilir metettsü asoshi Kibuba ne Tsüngremi item küm lir arem nung na aniba lenmang ajak nai bilemtettsüla. Anungji nisungi pei chir azüokba ama Kibuba ne Tsüngremi na azüoker ta ne mulung nung bilemang. Aser Pa lenmang nung jajaba agi, aser Pa tsüngken tsübuba agi nai Kibuba ne Tsüngremi benshiang (Tazüng. 8:2,5,6).
O Kibuba, Nai ajungba bilemtetta Ne dang tashi angaba temulungjang kü dak poktetdakjang. Amen.