Tatidang mapang light junga agütsütsü mepir: AKM

Dimapur, February 11 (TYO): Tang tagidak HSLS & HSSLC 2016 tatidang nung kaketshirtemi timtem kecha majurui tatidang nung takok angutsüsa Nagaland sorkar kübok Power Department-i light junga yoktsü temepishiba olen ka Ao Kaketshir Mongdang (AKM) nung Information & Publicity Secretary, Imlinungba Longkumer aser Vice-President, Akummeren Longchar nati tanü sangdong ka ajanga metetdaktsüogo.
Nüburtemi kaketshirtem nem timtem kecha magütsüi kaketshirtem lesson bushidaktsütsü aser kaketshirtemia tatidang agütsüdang temzüngi memelaba maparen meinyaki ochishia pei tatidang agütsütsü tajungshiba olen ka kasa sangdong ajanga sangoktsüogo.
Tashi mangar nübur aser kaketshirtem ajunga nem tapet temerenshi agütsütsü tekümdangtsü olen ka AKM-isa metetdakja liasü.
Tatidang agütsür kaketshir ajungai takok tulu angutsü atema sarasademtsütsü olen ka ka sangdong ajangasa mepishiogo.

You must be logged in to post a comment Login