Tatok magütsütetba temenen

Kechiyong onoki angashiba aser anguba indang mejembiibo meliteter.  – T. Mapa 4:20

Kodang Yisu nüburtem den jaja Pai parnok ayongzüka ashi, “Kechiba nenoki Kü dang Kibuba, Kibuba ta ajar, aser Ni ashiba meinyaker?” (Luke 6:46). Maneni Pai ashi, “Nenoki Ni meimra, Kü ozüng nenoki inyaktsüla” (Yohan 14:15). Pa kangki nung angenloker aser tasü nungi shia arur Pai Pa sülen anidaker temi kechi inyakdaktsüner tejangja ashi. Pai parnok nem tenyaba tejangja agüja ashi, “Oang… sayuang… nütsüng kümdakjang…” (Mathi 28:19-20).  Telok tila kati Pa dang tashi anga aser Yisu Khrista osangtajung alima sünga ao.

Nai ne sasa na Khristan ta jara nai iba ozüng inyaktsüla. Tsüngremi nisung ajak tzüyim ajanga aotsü maja, saka pei kiyonger tang tenzüktsü Pai ajak aja. Nai tangar den Yisu lemsateptsü arendaka alitsü akok mesüra magizüktsü tsübutsü akok, mesüra satoka mebilemtsü akok. Süra nai ya koda inyaktet? Anepdang nai sarasademtsü akok: 1) Tsüngremi ne nem mapang tajung agüja tangar den lemsateptsü akok. 2) Iba mapang tajung angatettsü Tsüngremi ne dang yaritsü akok 3) Iba nübu den lemsateptsü asoshi Tsüngremi na tasü itdaktsütsü akok. Nai item mapa asem asoshi ne mulungjang ajunga agi sarasademra, Tsüngremi langzütsü. Saka kodang mapangji arudir mapa inyaktsü tongtipang. Shibai metet iba nisung den Khrista osangtajung lemsateptsüji na ji dang asütsü akok.  Yisuji shidakba ne Kibur süra, atangji nai pelasita kechi nai angu aser angashi pelasita jembitsü aser lemsateptsü, koda Pai ne taküm melenshitsü iba indang lemsatsü.

Kü Tsüngrem, tanü ni Na asoshi lemsateptsü tasü itdakjang ta sarasademer. Nai ni kümzükba aser Ne mapai ajaba asoshi Ne tenüng asanger. Amen.