Tawang, Kohima, & Dimapur nung Airtel 4G Services tenzükogo

Itanagar, August 26 (Agencies) : Hombarnü Bharti Airtel-i Arunachal Pradesh kübok arrtsü anasa aliba Tawan district nung 4G services tenzükba osang metetdakja liasü aser Mongolbarnü parnokisa Nagaland kübok Kohima o Dimapur nung kasa service tenzüktsüba metetdaktsüogo.

Airtel 4G ya mobile phones, dongles, 4G hotspots aser Wi-Fi dongles atema angutsü.

Airtel-i linük nung iba tesem tonga 4G services bener arutsüba atema kanga pelar aser iba mapa atema Zonal Sales Manager Dulen Kalita nem tenüngsang agütsür, ta Tawang deputy commissioner, Duly Kamduk-i 4G services tenzükba sentong nung ashi.

Ano maneni Airtel-i Lumla aser Zemithang tesem nunga mobile service tenzüktsü nung ajungtsü ta Duly Kamduk-isa shisem.

Nagaland nung Airtel 4G tenzükba atema Saurabh Goel, CEO – Assam and North East, Bharti Airtel-i ashiba agi, “Onoki inyakba ajak nung customer tem atema bilema inyaker. India nung mobile data traffic kanga temabai atur aser amshirtemi 2G connections nungi 3G aser 4G ta melener. Customer temi high speed data aginüba ajiteta onoki Kohima aser Dimapur nunga 4G services tenzüktsür.”

Ita trok tashi India kübok yimti tulutem nung tendanga aruba sülen August 6 nü Airtel-i jila 296 nung 4G services tenzüktsü osang metetdakja liasü.