Taxi anishir tepsetba atema nisung 1 apu

Kohima, September 5 (TYO): September 2 nü Kohima district kübok Chiechama yimtsüng anasa taxi anishir ka tepsetba dak sendakba nung tai tonglokja Zunheboto police-i nisung ka puogo.
Zunheboto police-i iba nisungji tanü apu aser ano tangartem aputsü atema mapa inyakdar, ta osang angazüker.
Yashi All Nagaland Taxi Association (ANTA) HQ Kohima-i state sorkar dang asür Swuduve Nakro tepsetba asoshi bushisüngdang asütsü aser mapa inyaktsü takhangba agüja liasü.
Honibarnü nisung kari Nakro aser pa taxi hire sür anir ao saka Deobarnü Chiechama Police Station nungi police-i pa indang tasümang angu.