Tayimtsü poksatsütsü amokmeren: Singapore

Singapore, November 22 (Agencies): San Francisco nungi Singapore tashi ayimba tayimtsü, SQ00, poksatsütsü amokmerenba osangji tejangja lir, ta Singapore Airlines (SIA)-i Deobarnü metetdaktsü.
Iba tayimtsü ya kecha lendong majurui Changi Airport nung arua anen ajisüaka nüburtem tayimtsü nungi alutsü asoshi nikongdang 1:30 ako tashi thinenba ajanga gondha ana tashi parnoki bena aliba khu agizüktsü asoshi atatsüsa aküm , ta Channel News Asia ajanga metetdaktsü.
Onok minute 20 shi atataktsüba sülenang talutsü tesem melenshiba metetdaktsü, ta Passanger, Hoe-i, Today osangbenertem dang ashi.
“Iba sülen onok tayimtsü anenba tesem anasa azüng-azünga aliba tesem ka nung anena toktsü. Onok dang air traffic osang adar ta ashiba dang alaka osang danga kecha mashi. Nikongdang 1:10 ako meta tayimtsü anisangi security tebilemtsü kar ajanga mapang tatsüka atatsüsa akümtsü aser iba sülen airport indang bus gari ajanga terminal-i anir aotsü metetdaktsü,” ta Hoe-isa ashi.