Taylor Swift aser Calvin Harris na chiyung dang tebur chanu ka densem

January 14, 2016: Kentener Taylor Swift aser Scotland nunger DJ Calvin Harris na California nung aliba restaurant ka nung aonung chi chiyung chiyunga aliba mapang tebur chanu ka tena den arua densem.

Swift aser Harris na Mongulbar aonung Santa Monica, California nung Italian restaurant, Giorgio Baldi nung chiyung ya-a aliba mapang tebur chanu ka arua tena den kümlemi chiyung aser iba tanübusang yagi ken lir Instagram nung par asem tangokba noksa ka lemsatepa liasü, ta aceshowbiz.com ajanga metetdaktsü.

Instagram nung @rickywselby enoktsüba noksa nungji Swift o Harris na menürema lir aser tanübusangji chiyungtsü tapu balala zülua aliba kaket repranger amai adoka lir.

Iba noksa kübok pai, “Ketsü o kübo na den chi jangratema chiyungogo,” ta zülu liasü.

“Out of the woods” ken atenla, Swift-i iba noksa nung tula tanak ka den skirt ka aser Harris-i aut sentsü sweater ka semer adoka lir.

Swift o Harris na ya yaküm küm nungi medema arur aser 2015 Billboard Music Awards nungang temai adoka külemi angu.