Taylor Swift-i 2016 atema sentong meyanglur

December 13, 2015: Taylor Swift-i teti agia küm ana jila sentong yanglua ayur, ajisüaka taruba kümbo lai mapang agi sempetba apir inyakyonga aotsü tebilemba lir.
Arishi küm 23 kentener Swift-i, 2016 küm atemabo lai jilia sentong meyanglutsü ta ashiba News24.com osang ajanga metetdaktsü.
‘Bad Blood’ ken atenla Swift-isa, la taküm aser maparen nung 1989 (kensep) ji kanga tongtibang ka liasü, aser tang atemabo mapangi kechi sempetdir ibaji apir inyakyonga aotsü, ta ashi.
Lai alima sema kentena senzüba dak sentakba nung lai, ajungbena tejaoker balala den shilem agiba densema temenungratsü tatalokba aika lir, aser itemji la akumli piyong mamatettsü, ta ashi.