Taylor Swift-i 2018 AMAs sentong tenzüka shilem agitsü

Mongputeni/October 03, 2018: Taküm American Music Awards sentong tenzüka Taylor Swift-i shilem agitsü.
“Look What You Made Me Do” ken atenla, Swift-i Instagram ajanga iba osangji lemsatepa liasü.
Lai iba osang sangdonga la danü, Meredith den külemi tangokba noksa ka Instagram ajanga lemsatep, aser yangji lai yamai zülua lir, “Ni “I Did Something Bad,” ken atentsü.”
American Music Awards 2018 sentong ya Tracee Ellis Ross-i ketdangsüa agitsü. Kasa sentong nung Ciara, Missy Elliott aser Dua Lipa nungeria shilem agitsü.
Taküm American Music Awards 2018 atema Swift-a category pezü nung nominate süa lir aser itemji– artist of the year; favorite female artist, pop/rock; favorite album, pop/rock aser favorite tour of the year awards atema la nominate süa lir.
Lai tatemsabuba American Music Awards sentong nung shilem agibaji 2014 küm liasü aser iba sentong nungji lai “Blank Space” ken tena liasü.
AMAs nung taoba mapangtem nung Taylor Swift-i award 19 tashi agizüka lir.
Taküm AMAs nung Rap timba nominate süa lir. Drake aser Cardi B naprong nomination 8 lir. Ed Sheeran aser Malone na nominations trokrok aser Camila Cabello nominations 5 lir. Fan temi vote asüba AMAs ji Mongputeni/October 9 nü ABC nung Microsoft Theater, Los Angeles nungi live sayutsü.