Taylor Swift-i arishi küm 7 tain Dylan den tsüngsang

Taylor Swift-Dylan_DanceNew Delhi, September 23 (Agencies) : Taylor Swift-i la sapurtem kanga meimer aser parnok asoshi mapa tajung aika inyaktsüogo. Tanga lai arishi küm 7 tain Dylan Barnes dang temeim sayuogo.
Dylan-i Taylor indang ken ‘Shake It Off’ tsüngsangba video ka internet nung kanga belenshiba ajanga pa nüngtugu aküm.
Ellen DeGeneres Show nung shilem agitsü atema Dylan jaok aser idakji pai national TV nung tsüngsanga sayu.
Ellen DeGeneres Show nung shilem agiba sülen hopta ka shi lir külen, Dylan-i Taylor Swift aser tsüngsangtsü kanga meimba ajanga Kansas City nung Taylor indang kenten sentong ka nung adentsü atema pa nem ticket agütsü.
Kentenba sentong tembangba sülen taylor-i Dylan den ajurutep aser tena tsüngsangba video ka Instagram ajanga Taylor-i sayu.

You must be logged in to post a comment Login