Taylor Swift-i F1 kententsü sentong nung shilem agitsü

Los Angeles, October 19 (Agencies): Nungtugu kentener, Taylor Swift-i United States’er Texas state kübok Austin nung ayongba Formula One (F1) United States Grand Prix den sentaktepba kententsü sentong nung shilem agitsü renema lir.
‘Blank Space’ hit ken atenla, Swift-i kasa kententsü sentong atema renemshiba video kar Instagram ajanga la sapurtem den lemsatepogo.
Tan kententsü sentong nung shilem agiba ya Swift-i taküm, 2016 küm tenzüker tanü tashi nung lai mezüngbuba kententsü sentong nung shilem agir alitsü.
Arishi küm 26 tain Swift-i lemsatepba mezüngbuba video nung lai acoustic guitar ka tema ken atener aser tanabuba video nung lai lar kententsü telok den ‘We Are Never Ever Getting Back Together’ ken aroki tena sayur.
Tatembangba aser tasembuba video nung Swift-i ‘Ni nenok den Texas kübok Austin nung ajuruteptsü yongyar’ ta lemsateper.