Taylor Swift-i kiyimba sentong ka nung ‘Blank Space’ ken aten

June 06, 2016: Honibarnü Taylor Swift-i kiymba sentong ka nung ken atenba ajanga kiyimer kanga peladaktsüogo.

June 4 nü Taylor Swift sapur anati tena kiyimba sentong kodanga mamatettsüsa lai ajungbena ‘Blank Space’ ken aten.

Iba kiyimba sentong nung Taylor adenbaji nisung kari tangoka liasü aser social media nung prok.

Max Singer aser Kenya Smith na New Jersey nung aliba Brant Beach Yacht Club nung kibong akum, Max teyii tena atema sentong balaka renemja alibaji tenati memeteti liasü.

Kiyimba sentong nung jaoker aikati Instagram nung Taylor noksa aser la indang video lemsatep. Item noksa rongnung ka nungbo ‘Ozü kinünger kiyimba sentong nung Taylor aden #Aoksar’ ta zülua liasü.

Taylor-ia la kiyimer aser kiyimla na den tangokba noksa ka lemsatepa lai, ‘Tenüngsagn agütsür Max aser Kenya!’ ta zülua lir.

People magazine ajanga ashiba agi, taküm April ita nung Max teyi, Ali-i Taylor ajurua iba kiymba sentong nung adentsü atema jili jembia liasü.

Swift-ia kiyimer nem teka agi yangluba sempet ka agütsü.

Tan hopta tetenzüklen Swift aser tedong, DJ Calvin Harris. na ita 15 medema arur pila, ta soang sangdonga liasü.

Taylor-i Instagram nung kiyimer den tangokba noksa nungji Harris-i ‘like’ asüba nguogo.