Taylor Swift-i la sapur tenarong anüa kümer alir ka den ajurutep

December 01, 2015: Kentener Taylor Swift-i la sapur tenarong anüa kümer alir ka teyongyaba atalokja tesüiba hopta tatemlen Australia nung ajurutepogo.
“Wildest Dreams” ken atenla, Swift ya tang 1989 küm World tour den sendaktepa Down Under tour jajaba mapang lir aser Sydney nung la sapur, arishi küm 12, Jorja Hope den chitepa ajurutep. Jorja Hope ya tenarong nung timtem aliba ajanga junga mangashir, ta Entertainment Weekly-i metetdaktsü.
Swift ajuruba sülen Jorja-i, “La tobur tajung aser jangratemtsü ka—-La tar talang asütsüata ni mamang—onok aonung sangwa tsüngsangtep,” ta ashi.
“Ni Taylor Swift kanga tushir aser sapur. Nisung aikati la majung indang jembiba lai angashika la teinyaktsü odang inyaker,” ta Jorja-isa ashi.