Taylor Swift-i lar branded süoshi China nung ayoktsü

Washington, July 22 (Agencies): Pop kentener Taylor Swift-i lar branded süoshi China nung ayoktsü sentong renemba osang angazükogo.
Arishi küm 25 tain Swift-i China nung tentetba online telok tongti ana, JD.com aser Alibaba Group Holding Ltd na den külemi lungjemer lar branded süoshitemji China nüburtem dang ayoktsü renema lir.
“e-commerce shishilembartemi Taylor nungi temelaba magi lar branded osettsüsettem ayokba azüoktsü nükjidong nung lar branded süoshitemji JD.com aser Alibaba telok na ajanga China nung yokshitsü sentong renemer lir,” ta Wall Street Journal-i metetdaktsü.
Swift’er branded süoshitem ta online ajanga jangjatsü asoshi Swift’er branded süoshitem nung ozülu balaka inoksemba osanga jangjaogo.
“China nung shishilembartemi nungdakba temelaba magi bendanglen tentetba telok balalai yangluba osetsüset yokshir,” ta shia, West linüktem nung tentetba telok aikati okadak ken o benokba osanga bushiteta lir.