Taylor Swift-i Reese Witherspoon tasoba anogo nung ken tentsü

Los Angeles, March 21, 2016 : Actress Reese Witherspoon tasoba anogo jilia amungba sentong nung nüngtugu nisung aika sentepa lia kentener Taylor Swift-i ajungbena shinga danga meshi Reese nem ken tenloktsü dang nisung ajak aoksa.

Lai la indang nüngtugu ken “Shake it off” tenloktsü aser Keith Urban-i guitar temtsü, ta aceshowbiz.com-i metetdaktsü.

Kate Hudson-i iba benjung nung tangokba noksa kar den video ajanga message yokba (Snapchat) nung Swift o Urban na kentenba video tangokba kar lemsatepa liasü.

Iba sentong nung Jennifer Aniston, Justin Theroux, Courteney Cox, Matthew McConaughey, Robert Downey Jr., Nicole Kidman, Tobey Maguire aser Jason Bateman nungera aden.

Reese Witherspoon ya March 22 nü arishi küm 40 ajunger. 2002 küm “Sweet Home Alabama” nung shilem agila, Reese-i Honibar aonung party amungdang sabangi tua telok den külemi ken dena liasü.