Taylor Swift-i tan mezüngsüa ‘Taylor Swift Award’ angutsü

April 06, 2016 : 64buba annual BMI Pop Awards sentong nung Taylor Swift-i tetushi balaka angutsü, lai iba sentong nung Taylor Swift Award agizüktsü.
BMI-i nisung kar tenüng nung sempet agütsüba ya tan agi tanaben lir. Parnoki 1990 küm nisung kar tenüng nung agütsüba sempet mezüngbubaji Michael Jackson nem agüja liasü.
Iba sentong ya BMI Tir & CEO Mike O’Neill aser Writer/Publisher Relations Tatong Tir Barbara Cane nati ketdang asütsü aser kasa sentong nung Barry Mann aser Cynthia Weil na nema ken züluba atema BMI Icon Award agütsütsü.
iHeartRadio Music Awards 2016 nung Taylor Swift-i Best Tour award angutsü jenjang tongteta lir..
“Taylor Swift, Barry Mann aser Cynthia Weil nungeri tatishitsü tajung sayua iba aonung ya shitakba music aser ken zülurtem bilemteta amongba mapang ka lir,” ta O’Neill-i osangbenertem den jembidang ashi.
BMI Pop Awards sentong ya May 10, 2016 nü Beverly Hills, Calfornia nung akatsü renema lir.