Taylor Swift-i tang mezüng Taylor Swift Award agizük

May 11, 2016: May 10, 2016 aonung Beverly Wilshire Hotel, Beverly Hills, California nung 64buba BMI Pop Awards sentong nung Taylor Swift-i award ana- tang mezüng Taylor Swift Award aser Pop Songwriter of the Year Award agizükogo.

Iba sentong nung tesüiba küm ka nung kaketzülurtem, publisher tem aser pop ken timtiba atenertem nem award agüja liasü.

Song of The Year award ji ‘Uptown Funk’ liasü, Publisher of The Year ji Sony/ATV aser kenzülur ana- Barry Mann aser Cynthia Weil nati BMI Icon Award agizük.

BMI Pop Awards-i Pop Song of the Year “Uptown Funk” shim. Iba ken ya ajanga taküm February ita nung Record of the Year Grammy agizüka liasü.

Iba ken ya Jeff Bhasker, Devon Gallaspy, Trinidad James, Mark Ronson, Lonnie Simmons, Rudy Taylor, Charlie Wilson, Robert Wilson aser Ronnie Wilson nungeri zülu.

Yasüng kenzülur 37-i tang mezüng BMI awards agizüka liasü aser tesüiba küm ka nung ’50 most-performed songs’ rongnung mezüng award ji Rachel Platten indang ken “Fight Song” ajanga agizüka liasü.

64buba BMI Pop Awards sentong ketdangsürji O’Neil aser BMI VP of writer/publisher relations, Barbara Cane na liasü.