Taylor Swift-i ‘X-Men: Apocalypse’ film nung shilem magitsü

Los Angeles, September 14 (Agencies): Nüngtugu pop kentener, Taylor Swift-i tarutsü mapang sayutsü renemba ‘X-Men: Apocalypse’ film nung shilem agitsü sentong renema mali ta X-Men film otsü zülur aser producer, Simon Kinberg-i osang jangjashitsüogo.

‘Bad Blood’ ken atenla, arishi küm 25 tain Swift-i James McAvoy aser Sophie Turner na densema X-Men film nung shilem agirtem den aroki agiba noksa anguba sülen Swift-i tesüsaba X-Men film nung shilem agitsü akok ta olulu prokshitsü tenzük ta Ace Showbiz-i metetdaktsü.

Toronto Film Festival sentong nung ‘The Martian’ ta ajaba film sayatsüdang Kinberg-i iba osangji jangjashitsü.

“Swift’er kentener teloki Montreal yimti semdangdang, idakji ‘Apocalypse’ film yanglua liasü aser McAvoy, Turner, Nicholas Hoult aser Rose Byrne nunger densema iba film nung shilem agirtemi Swift den arok noksa ka agi,” ta shia, Swift den arok noksa agiba sülen lai tesüsaba X-Men film nung shilem agitsü oluluji prokshitsü tenzük ta pai shisem.

Michael Fassbender, Hugh Jackman, Jennifer Lawrence, Olivia Munn, Oscar Isaac aser Alexandra Shipp nungeri tongti shilem agiba ‘X-Men: Apocalypse’ film ya US nung taruba 2016 küm May ita 27 nü sayatsü sentong renema lir.