Taylor Swift-i yaria Avril Lavigne-i kentenba sabang nung shilem agi

Los Angeles, September 1 (Agencies) : Pop kentenertem Taylor Swift aser Avril Lavigne na sabang ka nung külemi shilem agi aser ibaji San Diego, California nung Taylor indang “1989” kenten sentong nung liasü.

Iba mapang Taylor aser Avril nati ‘Complicated’ ken aten.

Mapang talangka Avril Lyme disease agi timtema arur taoba ita mezüng kenten sabang nung shilem agi aser lai Instagram nung la pelaba osang lemsatep.

“Taylor Swift indang #1989 world tour nung la den külemi Complicated atentsü maongka anguba atema pelar. La (Taylor) kanga tajung” ta Avril-i ashi.

Ano külen, Taylor-ia Twitter nung “@AvrilLavigne! ‘Complicated’ ya pop ken tajung ka aser ni la meimer” ta metetdaktsü.

Taylor-i lar fan tem den sensaksemba den atitepa Avril’er fans temi Tumblr nung parnok mepelala lemsatepba sülen hopta ka shi lir külen iba kenten sentong agi.

“Küna mapang tatsüka text ajanga osang agitepa aru aser tanü la den ajurutepogo. La kanga junger. La temeimtsüka aser ni sapuba artist ka atangji nung nisung tajung ta meteta arudang ni kanga pelar aser tali meimer” ta Taylor-i kenten sentong nung ashi.