Taylor Swift indang ‘Bad Blood’ video tashishitsü keta lir: Miley Cyrus

August 09, 2015: Taylor Swift meyong ‘Bad Blood’ music video nung mang ayangba noksa alibaji tereprangertem asoshi tatishitsü tamajung keta lir, ta Miley Cyrus-i aija ashi.
Cyrus-i iba o ya Marie Claire magazine den jembidang shia liasü.
Iba ‘Bad Blood’ video ya million 422 ben tashi YouTube.com nung reprangadokogo.
Miley-i ashiba agi, iba video ya ajanga Taylor Swift-i la Katy Perry den mangatettep aliba mang ayanger mesüka lir.
‘Bad Blood’ music video ya prangpong aser raksatsüba oset amshiyim pu asemer mesüka lir.
Iba video nung Karlie Kloss, Selena Gomez, Cara Delevingne aser Ellen Pompeo nungeria shilem agia lir aser iba music ya Swift meyong kanga takok anguba video ka lir.