Taylor Swift indang Mobile App Game ka adoktsü

Taylor Swift arrives at the 56th annual GRAMMY Awards at Staples Center on Sunday, Jan. 26, 2014, in Los Angeles. (Photo by Jordan Strauss/Invision/AP)
Taylor Swift arrives at the 56th annual GRAMMY Awards at Staples Center on Sunday, Jan. 26, 2014, in Los Angeles. (Photo by Jordan Strauss/Invision/AP)

Feb. 04, 2016: Country pop kentener nüngtugu, Taylor Swift-i la indang mobile app game ka yangludaktsüdar, ta metetdaktsü.

San Francisco nung amenoka aliba technology company, Glu Mobile-i taoba mapang Kim Kardashian aser Katy Perry na indang mobile app games yanglutsüogo. Iba app yangluba sülen mezüng ita asem nung Kardashian indang mobile game ajanga US sen million 43 ajangzüktet, ta Variety osang ajanga ashi.

Swift indang mobile app game ji 2016 küm sayatsü ta metetdaktsüba dak alaka tanga osangbo metetdakja mali, ajisüaka iba game ji cartoon style aser ‘freemium’ model nung asütsü.

“Taylor aser alima nung la sapurtemi mobile games tasen aser khenyongi balaka angutsü ta onoki imlar,” ta Glu CEO, Niccolo de Masi-i Bodhbarnü (February 3) metetdaktsü.

Taylor Swift ya kensep millon aika yoktetba kentener ka aser Grammy Award tenetben angur kenener ka lir, aser social media nung la ‘followers’ aika lir. Iba tetezü la indang mobile app game asayarji-a yamaji alitsü ta imlar.

Tang Facebook nung la sapur nisung million 74, Twitter nung la followers million 70 aser Instragram nung million 64.8 lir.

Ita 13 tashi la indang kensep ‘1989’ ajungketja alima sema kentena senzüba December ita nung tembangogo aser tang la anisüngzükdagi.

You must be logged in to post a comment Login