Taylor Swift ken ajanga Adele ajungmeso

November 29, 2015: Grammy award angula, kentener Adele-i, kü kensep “25” nung ken kabo Taylor Swift indang nüngtugu ken “Bad blood” ajanga ajungmeso, ta ashi.
NPR publication den interview mapang Adele-i, “Kü kensep tasenba “25” nung aliba “Send my love (to your new lover)” ken ya Taylor Swift ken ajanga ajungmesoba agi mejemba lir,” ta ashiba aceshowbiz.com-i metetdaktsü.
New York nung Ryan Tedder den ‘Remedy’ ken züludang onok chiyungba mapang Swift indang ken radio nung yokba angadangang Max Martin aser Shellback na teyari agia iba ken adokba metet, ta Adele-i ashi.
Iba sülen ni bilemdanga aonung Max Martin ya kü indang soundtrack ajak zülutsüsang liasü, anungji ni pa den tongtepratepa kü project külemi inyaktsü mulungtet, ta lai ashi.
“Parnok London-i arudang ‘Send my love’ ken ya kanga kara yangluadok. Ni Max den teti külemi inyaktettsü. Pa ya kanga jungra, jangratemtsüka aser anepalu aketba nisung ka lir,” ta Adele-i ashi.