Taylor Swift & Tom Hiddleston na pilaogo

Los Angeles, September 7 (Agencies) : Kentener Taylor Swift aser British actor Tom Hiddleston na ita asem shi medema aruba sülen pilaogo.
Taylor aser Tom na ita ka dak tema noksa külemi metangoki aruba sülen pilaba osang angazüker.
July 27 nü tenati restaurant Hillstone, Santa Monica semdanga liasü, ta Us magazine ajanga metetdaktsü.
“Taylor-i tena tesentaktep pilatsü telemtetba agi. Tom-i tena kazübaji yimjak nung metetdaktsünüa liasü saka Taylor-i ibaji memulung” ta osang ka ajanga ashi.
Taküm June 15 nü Taylor aser Tom na Rhode Island nung tzüküm ka nung külemi kazüba noksatem prokshiba sülen nisungtemi tena kazüba meteta aküm.
Tenaprongi pei pei tsüraburtem den tejak shiyutep aser den July 4 nü Taylor Swift-i ayongzükba sentong nung külemi amung. Iba sülen Tim-i Taylor tena meimtepba osang metetdaktsü.
“Taylor Swift aser küna kazür aser künaprong pelar. Ibaji ochi lir. Iba ya publicity atema inyakba mapa ka masü” ta Tom Hiddleston-i July ita metetdakja liasü.
Tom-i “Thor: Ragnarok” film nung shilem agitsü atema Australia-i aoba sülen tena tesentaktep mejungi aküm.