Taylor & Tom nati Selena kenten sentong nung aden

Los Angeles, June 22 (Agencies) : Kentener Taylor Swift aser Tom Hiddleston na Nashville nung Selena Gomez kenten sentong nung jangratema amung.
Taylor Swift medemer Abigail aser la tetong Matt nati Taylor aser Tom na meina liasü, ta E! online osang ajanga metetdaktsü.
“Taylor-i Tom kenten sentong nung adentsü jaok. Tom-i Taylor teti peladaktsür aser lar medemertem akhümtsübur ta sayunür” ta osang ka ajanga shisem.
Arishi küm 26 tain Taylor-i arishi küm 36 tain British actor Tom ji la tembar asütsü akok ta bilemer. Taylor school tanur asüdang lai Tom kanga saklok aser Tom-i tain ama alibaji lai kanga meimer, ta osang ajangasa metetdaktsü.
“La den tambu asübayong lai Tom meimer aser pa anasa la temulung ulur. Tom-ia Taylor den kazünür. Tena tesentaktep kanga junga lir aser mapang shia text süteper” ta osang ka ajanga shisem.