Tebang nungi tango tamajung adokba agientsü tasa

Nisung aikati pei tebang nungi tangola tamajung adokba yong tangar den sadoka jembishinü mesüteti aiben maksü tia ajurur. Pei tebo aser tebotazüng teti merüka ayuba ajanga Chronic Halitosis ta ajaba tebo tazüng aser temeli na nungi tango tamajung adokba timtem ya agientettsü.

Tebang nungi tangola tamajung adokba agientsü atema teinyaktsü kar:

# Tebo nung jangokba chiyongtsü aser tebang nung anüngzükba chiyongtsü agientsü atema anogoshi tebo anabenbo meyutsüla.

# Lisü tila amshia anogo nung khenbosa tebo o tebo tsüngda jangoka ayuba chiyongtsü agienba den külemi, aonung yipdeni aiba jakdang tebo meyudoktsüla.

# Tebo meyudokba den külemi, scraper amshia temelia okdoktsüla.

# Chi chiyonger mouthwash tajung agi tebang shidoktsüla.

# Moko aser moko den sentakba temesepba chiyongtsütem machitsüla.

# Tangar den ajurutepba jakdang piyaz aser losen amala tango tasa aketba chiyongtsü machitsüla.

# Mapang shia pei dentist den ajurutepa tebang reprangdaktsütsüla.

(Source : Internet)