TEBEREM ASHIBA SÜNGJEMTSÜ TASA

Mapa inyakba tesem nung teberem ashiba aser tongtiret ashiba tebilemtsü kanga bulur. Nisung aika mapa inyakba tesem nung mazüngi mapa inyakba aser amenba position majungba ajanga iba timtem adoker.
Teberem ashiba süngjemtsü atema tasa kar:
MENDEN TAPET: Menden tajung nung amentsüla: teberem aser tongtiret ashiba nungi jenbutsü atema na menden tajung nung amentsü nüngdak. Na anisüngzük-süngzüka amentsüsa na atema menden tapet alitsüla. Kokra sofa kanga tanep, bean bags aser menden teküprak nung mamentsüla.
AMENBA YIMYA: Menden tenendaktsü junga aliba den külemi atem nung na sademsadema tetsüng ajemdaktsüsa mendenji tapet asütsüla. Ibaji ajanga nü tongtiret ajunga nem liromedema teyari agütsütsü.
TZü PERIA AJEMTSüLA: Tzü peria ajemtsü. Talisa summer mapang nung ibaji ajanga na hydrate süa alitsü.
CHIYUNGTSü JUNGA ACHITSüLA: Nai achiba chiyungtsü ajak nung kanga kümdangtsüla. Specialist temi ashiba agi vitamin B12, vitamin D3 aser calcium achiba ajanga nü tongtiret aser terettem tashi itta alitsü.
(Source : Internet)