Tebu kati jala dak tashiyim mapa inyak

Kohima, Mongputeni (October) 10 (TYO): Phek district nung kanga dang taoksatsü aketba lendong ka atalok aser ibaji arishi küm 11 tain tetsür chanu ka tebu taseni tashiyim agi shi nung medemba lir.
Tashiyim mapa inyaksangji Chichu (32) lir aser pa ya Meluri sub-division kübok Reguri yimer lir. Meluri Town Women Welfare Society-i ken o ka benokba sülen police-i tanü pa puogo.
Yasüng la kinungboi jala dak tashiyim agi shi nung medemba lia angu. Ajisüaka, lai Women Society dang tanü ang osangji sangoktsü aser iba sülen Meluri Police Station nung ken o ka benok ta Pochury Hoho osang ka ajanga ashi.
Police-i Chichu pur tepuokdak yua lir. Pa apuba osang angashikba sülen nisungtem tejashi nung police station kima adenshi aser parnok ket nung aibelensangji agüjang ta takhangba agütsü. Ajisüaka, Pochury Hoho, Mothers Association aser kaketshirtem teloktemi tiyongtsü ia telokji süngjemdaktsü.
Osang angashiba sülen Phek SP-ia tesem tonga oa osang agitep.
The Hoho president Chulekhu urged the law enforcing agency to book the culprit under non-bailable offence and award capital punishment as per the law.
Iba tesempatsü mapa khukhua aitsür aser ozüng amertemi aibelener non-bailable offence kübok aitsütsü aser tasüba temerenshi agüjang ta Pochury Hoho-i takhangba agütsü.